Москва тажик авиакомпанияларына каршы чектөөлөрдү киргизбейт

Каганат.

Москва авикаттамдар боюнча Тажикстан менен жаңжалды курчутпайт жана тажик авиакомпанияларына кошумча тыюуларды салууга ниеттенген жок. Бул тууралуу Орусиянын транспорт министри Максим Соколов билдирди.

Аткаминердин айтымында, авиабайланыш боюнча чектөөчү чаралар киргизилбейт. Бирок мурдагыдай эле Орусия Тажикстандан бул багыттагы милдеттенмелерин аткарууну талап кылат.

Орусия Транспорт министрлиги тажик тарап менен сүйлөшүүгө даяр. “Тажик кесиптештерибиз сүйлөшүүлөрдүн кезектеги айлампасын өткөрүүнү каалап жатышат. Акыркы жолугушуу декабрда болгон. Биз диалогду керек болсо эртең баштаганга даярбыз. Алебтте, алгач буга чейинки жолугушууларда жетишилген макулдашуулар аткарылышы керек”,-деди министр.

Январдын соңунда эки өлкөнүн өкмөттөр аралык комиссиясынын жыйыны өтөт. Орусия сүйлөшүүлөрдү ошол учурга туштоого белсенүүдө.

Буга чейин Тажикстан авиажаңжалды жайгаруу үчүн Орусияга сүйлөшүүлөрдү өткөрүүнү сунуштаганын маалымдаган.

2016-жылы 20-декабрда тажик бийлиги “Жуковский” аэропортунан Дүйшөмбүгө сапар алчу “Ямал” авиакомпаниясынын каттамдарына тыюу салган. Буга жооп кылып, Орусия тажикстандык “Сомон Эйр” авиакомпаниясынын учууларынын жолун бөгөгөн.

Булак:Каганат

Бөлүшүү:

Пикир

үч + 15 =