Казакстанда башкы редактор шарттуу түрдө беш жылга соттолду

Каганат.

Астанада сот Central Asia Monitor гезитинин башкы редактору жана Radiotochka.kz сайтынын ээси Бигелди Габдуллинди шарттуу түрдө беш жылга эркинен ажыратты. Ал сот залынан бошотулду. Башкы редактор өзүнө таандык медиаресурстарды колдонуп, мамлекеттик кызматкерлерден акча талап кылып турган деген айып боюнча күнөөлүү деп табылды.

Башкы редакторго жергиликтүү өзүн-өзү башкаруу органдарында жана жетекчи кызматтарда 10 жылга чейин иштөөгө тыюу салынды. Соттун чечими менен камактагы мүлкү бошотулду жана мамлекеттин менчигине өтпөй турган болду.

Сот 62 жаштагы Габдуллиндин кичине балдары жана тергөө органдарына өз эрки менен келгени эске алынганын билдирди.

Бигелди Габдуллин былтыр ноябрда камалган. Тергөө учурунда ал күнөөсүн мойундап, пара катары алды деген каражатты кайтарып берген.

Булак:Каганат

Бөлүшүү:

Пикир

2 × эки =