Орусиядан келе жаткан 9 өзбекстандык мигрант жол кырсыгынан каза тапты (ВИДЕО)

Каганат

Казакстанда автобус аварияга учурап, Орусиядан үйлөрүнө келе жаткан Өзбекстандын жарандары курман болушту.

22-июнда Самара-Шымкент жолунда эки кабаттуу автобус аңтарылып кеткен. Салондогу 50 киши өзбекстандык, экөө казакстандык болгон. Жүргүнчүлөр Волгограддан Шымкентке келе жатышкан.

Казакстандын өзгөчө кырдаалдар министрлигинин маалыматы боюнча, өзбекстандык 9 киши мерт кеткен, 18 киши жаракат алган, дагы 25ине жеринде медициналык жардам көрсөтүлгөн. Автобустун айдоочусу Казакстан атуулу экени маалымдалууда, аварияда анын күнөөсү бар-жогу аныктала элек.

Буга чейин борборазиялыктардын катышуусунда ири авария 2017-жылы январда Нижний Новгород – Саратов жолунда катталган. Мерт кеткен жети кишинин бешөө кыргызстандык болгон.

Бөлүшүү:

Пикир

17 + бир =