Өмүрбек Текебаев менен Дүйшөн Чотонов эки башка абакка которулмай болду

Каганат.

Бүгүн «Ата Мекен» саясий партиясынын лидери Өмүрбек Текебаев №1-СИЗОдон №47-түзөтүү колониясына, ал эми  экс-министр Дүйшөнкул Чотонов Молдовановкадагы №27-түзөтүү колониясына которулат. Бул тууралуу Мамлекеттик жаза аткаруу кызматынын басма сөз кызматы билдирди.

Белгилей кетсек, ушул жылдын 10-октябрь күнү Өмүрбек Текебаев менен Дүйшөнкул Чотонов УКМКнын абагынан №1 тергөө абагына которулган. Бул тууралуу  массалык маалымат каражаттарына «Ата Мекен» партиясынын юристти Таалайгүл Токтакунова билдирген.

 Токтакунованын айтымында  Өмүрбек Текебаев менен Дүйшөнкул Чотоновду № 27 абактын (айтылуу «кызыл зона») жетекчилиги кабыл алуудан баш тарткан. Жактоочулары парламент депутатын № 47 абакка которууну суранышкан.

 Эске салсак,  16-августта Текебаев жана Чотонов Биринчи Май райондук соту тарабынан 8 жылга эркинен ажыратылган. Алардын мүлктөрү конфискацияланат.  Муну менен катар алардын абактан чыккандан кийин 3 жыл мамлекеттик кызматта иштөөсүнө тыюу салынган.

Булак: Каганат.

Бөлүшүү:

Пикир

он беш − 5 =