Касторка майынын падасын канчалык билесиз?

0

   Каганат.

Кастор майын көпчүлүгүбүз кашты жана кирпикти өстүрүү үчүн колдонуп келген болсок, анын башка да көптөгөн нерселерге пайдалуу экендигин биле бербесек керек. Коюу жабышкак касторка майы көп функционалдуу жашартуучу, сулуулукту калыбына келтирүүчү зат.

 Бут үчүн жакшы дары. Касторка буттун кесилген, жарылган,өйкөлгөн жерлерине эң жакашы жардам берет. Андыктан жатаарда биринчи бутка ванна жасап, андан кийин тазалап кургатып, касторка майын же анын жарымына глицерин кошуп, көйгөйлүү жерлерге сүйкөп, таза пахтадан жасалган байпакты кийип жатуу керек.

 Кол үчүн: Эгер тырмагыңыз бат-бат сына турган болсо, анда күнүнө бир жолудан касторка майын сүйкөп жүрсө тырмак бекем болуп, ошондой эле колго да сүйкөп, пахтадан жасалган мээлейди кийип жатса, колдун териси жумшак болот .

Ээк үчүн: Ашыкча чыккан ээкти күндө касторка майы менен сүйкөп жүрүп жоготсо болот. Ошондой эле беттеги тактарды да күнгө сүйкөп жүрүп кетирсе да болот.

 Каш жана кирпик үчүн: Кашты жана кирпикти өстүрүү үчүн ширенкенин учуна ватаны ороп, кашка жана кирпик менен теринин ортосуна күндө сүртүп жүрсө, бир айдан кийин сиз ойлогондой болот.

Чачтын коюулануусу үчүн: Кастор майынан чачка маска. Чачты жакшыртып өстүрүү үчүн жакшы каражат. Колдун манжаларына касторка майын куюп алып чачтын түптөрүнө манжалар менен сүйкөп массаждоо керек. Андан кийин чачты салафан мешок менен ороп, сыртынан сүлгү менен жылуу ороп 40 мүнөт туруп, андан соң шампунь менен жуу керек. Муну жумасына 2 жолу жасоого болот.

Бырыштар үчүн: Кастор майы беттеги майда бырыштарды кетиргенге да эффективдүү. Ал үчүн касторка майын жылытып, бетке майды манжалардын учтары менен масаждап сүртүү керек. Массаждан кийин беттеги майды тазалоого шашылбаңыз, аны 2 саат кармоо керек. Андан кийин кебез тампондор менен тазалоо керек.

 

Бөлүшүү:

Пикир

1 + 1 =