Казакстан менен Өзбекстан ортосундагы товар алмашуу бир жылда эки эсеге өстү

Каганат.

Бир жылдын ичинде Казакстан менен Өзбекстандын ортосундагы товар алмашуу көлөмү эки эсе өсүп, 2 миллиард долларга жетти. Бул тууралуу казак президенти Нурсултан Назарбаев журналисттер менен болгон жолугушуусунда билдирди.

Мамлекет башчынын айтымында, өлкөлөр бул көрсөткүчтү 5 миллиард долларга жеткирүүнү максат кылып жатышат.

«Казакстан үчүн Өзбекстан менен карым-катнаш өтө пайдалуу жана зарыл. Биздин кызматташтык жакшырууда. Бир жылдын ичинде соода алакалар эки эсеге өсүп, 1 миллиард доллардан 2 миллиардга жетти. Өзбекстандын жаңы президенти Мирзиёев менен бул көрсөткүчтү 5 миллиард долларга жеткирүү боюнча макулдаштык», — деди мамлекет башчы.

Назарбаев Костанайда Өзбекстан менен биргеликте автоунаа жана электрондук кыймылдаткычтарды чыгаруу боюнча өндүрүш ишке берилгенин эске салды. Президенттин пикиринде, өлкөлөр ортосундагы сооданын активдешүүсүнө транспорттук көйгөйлөрдүн чечилиши дагы түрткү болду.

«Биз интеллигенцияларыбыз менен жаштарыбыздын ортосундагы буга чейинки мамилелердин мындан ары дагы уланышын колдойбуз. Казакстанда кийинки жылды Өзбекстан жылы деп жарыяладык. Андан тышкары Өзбекстанда Казакстандын күндөрү өтөт. Муну эки өлкө ортосундагы өз ара мамиле үчүн туура, пайдалуу жана керектүү деп эсептөө зарыл», – деди Назарбаев.

Бөлүшүү:

Пикир

2 × бир =