Кайсы жериңизде мең бар? Ал жөнүндө айтып беребиз…

0

Каганат.

Кээ бир адамдардын өзүнө жарашыктуу да, жарашыксыз да калы болот эмеспи а бирок биз анын маанисине көп деле көңүл бура бербесек керек. Биз бүгүн ошол меңдер туурасында билүүгө аракет кылдык. 

 Моюнда

Моюнунда калы бар адамдар жаш кезинде көп эмгектенгенге аргасыз болушат. Андайларга оңой оокат келе койбойт. Бардык нерсеге өз күчү менен жетип, жашоонун тепкичтерине өзү көтөрүлүүгө тийиш. Анткен менен жаш кезиндеги бул эмгегинин үзүрүн карыганда көрөт. Негизинен чыгармачыл адамдар болушат. Мындай адамдардын фантазиясына суктанып, талантына таң берүүгө болот. Бирок, алар билген нерселерин “сатууга” жөндөмсүз келишет, болбогон айлыгы менен жөнөкөй жашоого көнүшкөн. Өтө кыялкеч болгондуктан, мырзалар болсо айымдарга гүл тартуулагандан ырахат алышат.

Ийинде

Сол ийинде же, оң ийинде экенине карабай, бул жерде жайгашкан кал турмуштагы кыйынчылыктар, оор жумуш тууралуу айтып турат.

Көкүрөктө

Эркектердин оң жак көкүрөгүндөгү кал анын өзүнө өтө ишенгендигин тастыктайт. Мындай эркектер өзүнүкү туура эмес экенин билип турушса да мелдешип, анысын далилдөөгө даяр. Алар тагдырдын ар кандай сыноолорун баштарынан өткөрүшөт. Болуп көрбөгөндөй байып, атак-даңкка жетишип, анан күтүлбөгөн жерден жарды болуп калышы да мүмкүн.

Ал эми кал сол көкүрөктө болсо, мындай адамдардын өмүр бою иштери жүрүшүп, бактылуу болушат. Бирок, аларда чечкиндүүлүк жана максатка умтулуучулук жетишсиздик кылат.

Ошондой эле оң жак көкүрөгүндө калы бар аялдар – эң мыкты энелер, алар көп балалуу болушат.

Эгер аялдын эки көкүрөгүнүн ортосунда калы болсо, ал күтүлбөгөн жерден байып кетет.

Курсакта

Эгерде аялдын киндигинде калы болсо, аны ийгиликтүү нике күтүп турат. Эркектердеги мындай кал байлыкты билдирет. Бирок, денесинин бул бөлүгүндө калы бар адамдар өзүмчүл, ач көз болушат.

Тизеде

Оң тизедеги кал бактылуу никеден кабар берет. Мындай адамдардын жубайлык жашоосунда олуттуу маселе жаралбайт.

Ал эми сол тизеде кал бар болсо, ал шашмалыгынын зыянын көп тартат. Мындай адаты үчүн көп өкүнөт. Бирок, анын ички дүйнөсү таза, ак көңүл жана башкаларга боорукерлик кыла билет.

Таманда

Оң тамандагы кал саякатка болгон сүйүүнү кабарлап турат. Эгер сол таманда кал болсо, ал адамдын дүйнө таанымы жана ой жүгүртүүсү кенен болот.

Колдо

Колдогу кал эркектерде да, аялдарда да өзүнө ишенбөөчүлүктү билдирет. Мындай адамдар сүйүүсүн эч качан биринчи билдиришпейт, анткени, баары бир жолум болбойт деп ойлошот. Ачык сүйлөшүүгө баргандан көрө кыйналып жүрө берүүнү тандашат. Ошентсе да бул адамдарды жашоодо ийгилик коштойт.

Манжада

Жакшы эмес белги. Мындай кал ээсинин уурулукка жана алдамчылыкка жөндөмдүү экендигин айтып турат.

Бутта

Тизелердин же кызыл ашыктардын ортосундагы кал шалаакылыкты, кенебестикти жана жалкоолукту билдирет.

 Бетте

Көзгө жакын жайгашкан кал адатта тагдыры тайкы аялдарда болот.

Маңдайдын так ортосундагы кал ээсинин максатка умтула билгендигинен, бийликке жетүүгө аракет кылгандыгынан кабар берет.

Чекенин оң жагындагы кал эрксиз, башканын таасирине тез берилип кеткен адамдарда болот.

Оң кашынын жанында калы бар адамдар адатта түгөйүн эрте табышат. Алардын сүйүүсү чогуу жашагандарына канча жыл болсо да муздабайт.

Сол каштын жанындагы кал – ийгиликсиз нике. Мындай адамдар акылына караганда сезимине көбүрөөк ишенишет. Бирок, түгөй тандоодо катачылык кетиргенин өтө кеч түшүнүшөт, ошентсе да уясын бузуп, башка жактан бакыт издеп кетүүгө күчү жетет.

Кулактагы кал – акыл менен ойлонбой иш кылгандык.

Оң жаактагы кал бактылуулукту убада кылат. Мындай адамдарды жашоосунда ийгилик коштоп жүрөт жана ал никеде да бактылуу болот.

Сол жаактагы калдын ээсине жашоосунда көп кыйынчылыктарды жеңүүгө туура келет. Ал такай күрөшүү үстүндө жүрөт.

Ооздун айланасындагы кал мүнөзү жакшы адамдарга таандык. Ал айланасындагы адамдарга ар дайым жакшылык тилеп турат, боорукер.

Мурунунда калы бар адамдын келечеги кең, жашоосунда көптөгөн саякаттар болот. Мындай адамдардагы кандайдыр бир күч башкаларды өзүнө тартып турат.

Ээкте жайгашкан калдын ээси жолдуу болот. Кандай иш баштабасын ийгиликке жетишкен мындай адамдар өзгөчө күч жумшабай эле байып кетүүгө жөндөмдүү.

Аркада

Аркадагы кал – ээсинин өтө берилгендигинен жана чынчылдыгынан кабар берет. Алар аябай эмгекчил келишет. Үй-бүлөсүн аздектеп, балдарынын жетишкендикте жашоосу үчүн колунан келгендин баарын жасайт. Бир эле убакта төрт жумушта иштей алат. Анысы аз келгенсип балдарынын сабагын караганга да, идиш жууп, үй жыйнаганга да жетишет. Мындай айымдар жумуштан жолдуу болгону менен сүйүүдөн дайым эле жолдуу боло беришпейт.

Белде

Эгер бул эркек болсо, белдеги кал анын апасына көз каранды экенин билдирет. Апасы ар бир кадамын көзөмөлдөйт. Эгер анын тандаган жубайы апасына жакпай калса, баласы менен ажыраштыруу үчүн ал баарына даяр. Денесинин бул бөлүгүндө калы бар эркек өз алдынчалуулукка ээ болбогондуктан, аялын экинчи апасы катары кабыл алат жана ага бардык жерде баш иет.

Ал эми аялдар үчүн белдеги кал анчалык деле жакшы жышаан эмес. Мындай айымдардын көпчүлүгү турмушка кеч чыгышат.

Бөлүшүү:

Пикир

2 × 4 =